هل المدارس هتكون إجازة بكرة؟ السؤال ده بقى يتردد بشكل كبير بين أولياء الأمور على فيسبوك، في ناس بتقول إن بكرة إجازة بمناسبة أحد الشعانين، وفي ناس تانية بتقول إن الدراسة هتتحول أونلاين يوم الأحد لتقليل الاستهلاك.
هل المدارس هتكون إجازة بكرة؟
وزارة التربية والتعليم حسمت الموضوع وأكدت إنه مفيش أي قرارات رسمية بتقول إن المدارس هتكون إجازة بكرة الأحد، وكمان نفت وجود أي إجازات رسمية أو تعطيل للدراسة.
مصدر مسؤول في الوزارة أكد إنه في يوم أحد الشعانين كل سنة الدراسة بتستمر بشكل طبيعي، مع السماح للأخوة المسيحيين بالغياب دون اعتبار اليوم إجازة رسمية.
هل المدارس هتكون إجازة بكرة مع تحويل الدراسة أونلاين؟
الوزارة أكدت إنه بناءً على تعليمات الدكتور مصطفى مدبولي، رئيس الوزراء، مفيش تطبيق لنظام الدراسة أونلاين يوم الأحد، وشددت على انتظام الدراسة والتقييمات بشكل طبيعي في جميع المدارس لكل الطلاب حرصاً على سير العملية التعليمية.
وقالت الوزارة إن رئيس الوزراء وجه بعدم تطبيق نظام العمل عن بعد في المدارس، وبناءً عليه الدراسة مستمرة في المدارس كل يوم أحد من غير أي تغيير.
الدكتور مصطفى مدبولي كان أعلن عن تفعيل العمل أونلاين يوم الأحد من كل أسبوع بداية من أول أبريل لمدة يوم واحد، وأشار إنه لو استمرت الحرب وتداعياتها، ممكن يتم النظر في إضافة يوم آخر، لكنه أكد إن القرار مش هيطبق على المدارس أو الجامعات أو المصانع أو المستشفيات.