استضافت الإعلامية إنجى على، اليوم الخميس، الفنانة صفوة عبر برنامج «أسرار النجوم» على إذاعة «نجوم إف إم»، حيث تحدثت عن أبرز محطاتها الفنية وأحدث أعمالها.
وقالت صفوة إن مشاركتها فى 4 مسلسلات خلال دراما رمضان الماضى كانت «مخاطرة كبيرة»، موضحة أنها أحبت أدوارها فى أعمال «إفراج» و«اتنين غيرنا» و«على كلاي»، مؤكدة أنها سعيدة بردود الفعل التى حصلت عليها، وأنها تركت بصمة فى كل دور قدمته.
وأضافت عن الفنان عمرو سعد: «أنا بحب عمرو سعد جدًا كمشاهدة وكفنانة، ومهووسة بيه، وهو شخص راقى جدًا ودمه خفيف، وهو طبعًا مش محتاج شهادتى، وأنا تشرفت إنى اشتغلت معاه فى (إفراج)».
واستعادت صفوة ذكرياتها مع فيلم «هى فوضى»، معربة عن غضبها من بعض تفاصيله، قائلة: «اللى زعلنى فى (هى فوضى) إن السيناريو اللى جالى مكنش فيه مشاهد القبلة ولا القلم اللى ضربنى بيه خالد صالح، والحاجات دى اتضافت أثناء التصوير، وأنا وافقت عشان دى رؤية المخرج، وكنت فاكرة إن فى المونتاج هيتعدل ده. ولما روحت شوفته فى السينما وكنت لابسة نقاب، سمعت كلام من الجمهور ضايقنى جدًا، وللأسف الناس مسحت تاريخى الفنى ومبقاش فاكرين منى غير (هى فوضى)».
وأضافت: «للأسف بقى فى حالة تربص بالفنانات، ولو صورونا فى أى مكان بينزلوها على السوشيال ميديا ويقارنونا بصورنا زمان، وده نوع من التنمر، وده اللى اتكلمت عنه دينا الشربينى فى (اتنين غيرنا)».