كثير من الناس اللي عندهم شقق مغلقة أو مسافرين بيقعوا في خطأ ترك عداد الكهرباء بدون رصيد، لكن التصرف ده ممكن يؤدي لرفع العداد نهائياً، وده طبعاً شيء مش كويس، فلو أنت ناوي تسافر أو تقفل شقتك لفترة، في شوية نصائح ممكن تساعدك.
نصائح قبل إغلاق الشقة
من المهم تترك رصيد لا يقل عن 100 جنيه في العداد مسبوق الدفع، وده عشان يغطي رسوم الخدمة ويمنع رفع العداد، وبيسموها شحنة الأمان، وكمان يفضل تترك لمبة ليد صغيرة مضاءة، الإستهلاك البسيط ده يحمي العداد من الدخول في حالة خمول أو اعتباره معطل من قبل الشركة، ويفضل تفصل جميع المفاتيح الأوتوماتيك من اللوحة الرئيسية، ما عدا المفتاح الخاص باللمبة اللي تركتها مضاءة ومفتاح الثلاجة لو هتفضل شغالة، وإذا كانت فترة الغياب هتتخطى السنة، يفضل تخطر شركة الكهرباء رسمياً بأن الوحدة مغلقة عشان تتجنب أي إجراءات إدارية.
لماذا يجب أن تترك رصيداً “نشطاً” في عدادك أثناء السفر؟
قسم العدادات في هندسة كهرباء التحرير “بدر” التابعة لقطاع السادات بشركة توزيع كهرباء البحيرة وضحوا النقاط المهمة هنا، أول حاجة تجنب خطر رفع العداد قانونياً، شركة الكهرباء بتتابع العدادات اللي ما بتسجلش استهلاك لفترات طويلة، لو الرصيد نفد تماماً وما شحنته، هتتراكم عليك رسوم خدمة شهيرة حوالي 9 جنيهات شهرياً للشقق المغلقة كمديونية، استمرار المديونية أو توقف العداد التام ممكن يعطي الحق للشركة في رفع العداد وفصل الخدمة لعدم الجدية أو الاشتباه في تلاعب.
كمان وجود رصيد بسيط ونبض تيار يحافظ على الدوائر والبطارية الداخلية في حالة استعداد، الخمول التام لشهور ممكن يؤدي لتلف البطارية، وده هيضطرك لتغيير العداد بالكامل عند عودتك، سلامة الريلاي أو المفتاح الداخلي كمان مهمة، عند نفاذ الرصيد، العداد بيفصل الكهرباء ميكانيكياً، بقاء العداد في وضع الفصل لفترة طويلة جداً ممكن يسبب صدأ أو تعليق في المفتاح الداخلي، مما يمنعه من توصيل الكهرباء مرة تانية حتى بعد الشحن.
وأخيراً، تلافي تراكم المديونيات المفاجئة مهم جداً، حتى والشقة مغلقة، هناك رسوم خدمة بسيطة بتخصم شهرياً حسب الشريحة، ووجود رصيد يضمن سداد هذه الرسوم أولاً بأول، وجود رصيد مثلاً 100 جنيه يضمن سداد هذه الرسوم بانتظام، ويمنع ظهور مبالغ كبيرة بالسالب تُخصم منك دفعة واحدة بمجرد وضع الكارت عند عودتك.